Størsteparten av verdiskapinga i dei marine og maritime næringane her til lands går føre seg på Vestlandet, viser ein ny rapport som Vestlandsrådet har fått laga.
Dei marine og maritime næringane på Vestlandet står for ti prosent av bruttonasjonalproduktet (BNP) i Noreg, går det fram av rapporten.
– Rapporten gir grunn til optimisme og tru på ei berekraftig utvikling på Vestlandet. At ti prosent av Noregs bruttonasjonalprodukt kjem frå marine og maritime næringar på Vestlandet, viser at vi kan meir enn olje og gass, seier leiaren av Vestlandsrådet, Tom Tvedt, som elles er fylkesordførar i Rogaland.
Vestlandsrådet er samarbeidsorgan for dei fire fylka Rogaland, Hordaland, Sogn og Fjordane og Møre og Romsdal. (©NPK)
