Heim Nyhende Redaktøropprør mot pressekutt

Redaktøropprør mot pressekutt

Over 100 redaktørar i lokalaviser over heile landet krev at regjeringa droppar moms på papiraviser og 16 prosent kutt i pressestøtta.

 

«Stans svekkinga av norske og samiske aviser» krev 105 lokalavisredaktørar i eit opprop som blei lansert tysdag. Dei slår fast at pressestøtta må haldast oppe på dagens nivå og at både papiraviser og e-aviser må få momsfritak.

– For oss er det ekstremt dårleg timing med eit kutt i pressestøtta. Vi har behov for å seie frå om kva vi meiner, og kjem no med ei felleserklæring for mangfald i mediebransjen, seier Rolf Edmund Lund, redaktør i Altaposten til Klassekampen.

Lund fryktar at forslaget til regjeringa om å kutte 54 millionar kroner i pressestøtta neste år og å innføre 8 prosent moms for papiraviser, vil få store konsekvensar for ein bransje som slit.

– Vi er i gang med ei stor og krevjande digital omstilling, og regjeringa vil legge ein stein til børa. Vi treng journalistisk muskelkraft for å klare omstillinga, seier han.

Regjeringa starta forhandlingar om statsbudsjettet med Venstre og KrF tysdag og skal etter planen vere ferdig måndag. Både Venstre og KrF har signalisert tydeleg at dei vil kjempe mot kutt i pressestøtta og at dei vil gi momsfritak til e-aviser. Men Lund er ikkje overbevist om at dei vil lykkast.

– Eg åtvara tidleg om at vi ikkje skal ta det for gitt. Dei har såpass mange kampsaker i budsjettet, som sosiale spørsmål og miljø. Men håpet er at det dei to partia seier, gjer inntrykk på dei blå – og at dei ser at dette ikkje er klokt. (©NPK)

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Nynorsk rettskriving

Færre elevar har nynorsk som hovudmål

No har ein av ni elevar nynorsk som opplæringsmålform. Leiar ved Nynorsksenteret er ikkje overraska, men ser det òg i samanheng. 11,4 prosent av norske...

Nynorskkommunane støttar økonomisk likestilling for Det Norske Teatret

Styret i Nynorskkommunane – LNK stiller seg bak Tett gapet – aksjonen for å auka tilskotet til Det Norske Teatret. Nynorskteateret i hovudstaden manglar 30...
Språkrådet og språkdirektør Åse Wetås meiner den nye læreplanen kan svekkje den samla norskkompetansen til elevane. Foto: Moment Studio/Språkrådet

Undersøking: Nynorsken står svakt i lærarutdanninga

I ei undersøking går det fram at mange lærarstudentar kan fullføre studiet utan å bli vurderte i nynorsk. Over 70.000 elevar her i landet...

BankID også på nynorsk

I 20 år har BankID vore tilgjengeleg på bokmål og engelsk. No er nynorsk eit alternativ for dei som ønskjer det. Nyheita om at BankID...