Heim Nyhende Regjeringa etterlyser innspel frå kommunane til språkmeldinga

Regjeringa etterlyser innspel frå kommunane til språkmeldinga

Statssekretær Atle Hamar (V) i Klima- og miljødepartementet oppfordra nynorskkommunane til å engasjere seg i den komande språkmeldinga, då han torsdag opna landstinget til Landssamanslutninga av nynorskkommunar (LNK).

 

Kommunefolk og språkfolk frå ulike nynorskkommunar og -organisasjonar er denne veka samla til landsting i Førde, når LNK feirar sitt 25-årsjubileum. På programmet står digitalisering i kommunane, klarspråkarbeid og nynorsk språk.

Statssekretæren, som sjølv er frå Jølster i Sogn og Fjordane, opna jubileet ved å helse frå statsråd Trine Skei Grande (V) i Kulturdepartementet. I helsinga viste han nettopp til digitalisering og språkarbeid.

Språk er eit felles ansvar

– Globaliseringa skapar ein ny språksituasjon. Det same gjer digitalisering og ny teknologi. Å ha mange språk i eit land er ein kulturell rikdom, men maktforholdet mellom språk er ikkje likt, og språkleg mindretal må ein ta omsyn til, sa Hamar i opningstalen.

Han sa også at norsk språk er ei av dei oppgåvene Noreg i fellesskap må sørgje for, og at det er eit større språkpolitisk ansvar.

Statssekretær Atle Hamar (V) i Klima- og miljødepartementet under opninga av landstinget til LNK i Førde. Foto: Karoline Riise Kristiansen / NPK

Bad om innspel til språkmeldinga

– Språket er blant dei fremste kjennemerka på identitet og kultur. Og det språklege arbeidet som blir gjort i kommunane er eit juridisk fundament, sa Hamar.

Han viste og til arbeidet som no blir gjort i Kulturdepartementet med den komande språkmeldinga som er varsla våren 2020. Han oppfordra vidare kommunane til «å la blekket sprute» ved å engasjere seg for nynorsken i Kommune-Noreg og kome med innspel til arbeidet regjeringa gjer med den komande meldinga.

– Det vil gi eit løft til norsk språk generelt og nynorsken spesielt, sa Hamar.

Fakta:

* LNK er ei samanslutning av kommunar, fylkeskommunar og interkommunale tiltak.

* Føremålet er å fremje nynorsk språk og kultur i offentleg verksemd.

* I jubileumsåret kan organisasjonen vise til rekordmange medlemmer, 125 kommunar er medlem av LNK 2019. (©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Frieriet i Todalen – kva skjer med Vangsgutane no?

Vi har intervjua tekstforfattar Kjartan Helleve om dei siste hendingane rundt teikneseriefigurane Vangsgutane, som kom fram i siste utgåva om dei ved juletider. Faste...

Gratis nettseminar: Korleis kan me hindra språkbyte i vidaregåande skule?

Torsdag 23. mars arrangerer Nynorsksenteret eit gratis nettseminar om korleis ein kan hindra at elevar skiftar frå nynorsk til bokmål. Molde vidaregåande har teke nokre...

Inviterer til å tolke Dolly og Johnny på nynorsk eller dialekt

Dolly Parton og Johnny Cash på nynorsk eller dialekt. No blir ein ny gjendiktingskonkurranse kunngjort. Inspirert av suksessen med å be om slike tolkingar av...

Fleirtal for nynorsk i Telemarkskommune

Etter ei rådgivande folkerøysting i Hjartdal går eit fleirtal inn for å behalde nynorsk som hovudmål på offentleg skule i kommunen. Nynorsk fekk 189 stemmer,...