Heim Nyhende Rekordmange nynorskpraktikantar

Rekordmange nynorskpraktikantar

Frå og med i august blir det heile ni nynorskpraktikantar i Førde, noko Magni Øvrebotten ved NRK Nynorsk mediesenter er glad for. 

Førde har vorte ein lærestad for nynorskbrukande journalistar. NRK Nynorsk mediesenter har drive med opplæring i ni år, og frå 19. august vert det ni nynorskpraktikantar i Førde. Då byrjar Nynorsk avissenter i Firda med fyrste kullet på fire praktikantar, i NRK tek dei mot det nittande kullet på fem.

Avissenteret legg vekt på journalistikk og nynorsk for avis og nett. Arve Sandal er leiar for senteret, og praktikantane skal få opplæring i samarbeid med redaksjonen i Firda. Bak Nynorsk avissenter står Firda media med støtte frå Sparebankstiftinga Sogn og Fjordane, Vinjefondet, Sogn og Fjordane fylkeskommune og Amedia.

Det er NRK som driv NRK Nynorsk mediesenter, og der er det fokus på journalistikk og nynorsk for nett, radio og fjernsyn. Til denne tid har NRK Nynorsk mediesenter sendt ut i verda 90 nynorskpraktikantar og 75 % av dei arbeider i media. Senteret held hus saman med NRK Sogn og Fjordane og praktikantane får fyrste praksisen sin i den redaksjonen. Magni Øvrebotten er leiar for NRK Nynorsk mediesenter.

Begge opplæringane tek eit halvår, med fire månader i Førde og dei to siste i andre redaksjonar i NRK og aviser. Sentera skal samarbeide der det er naturleg, mellom anna om nynorsk som mediespråk og det faktumet at nettet gjer at ulike media smeltar meir saman.

Les meir om satsinga i neste utgåve av LNK-avisa som kjem i september. 

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Ny lærebok vil vise at nynorskopplæring er moderne

Lærarstudentar og norsklærarar som strevar med nynorsk får gjennom ei ny bok høve til å styrkje nynorskkompetansen sin. – Boka er sett saman av ulike...

Vel nynorsk for barnet ditt!

Er du ein av dei mange tusen føresette som veit at dette er siste året i barnehage, og neste haust er det skulestart? Kanskje...

Det nynorske næringslivet foreinar kreftene

Den nye medlemsorganisasjonen Nynorsk bedriftsforum skal vere eit landsdekkande nettverk av og for nynorskbedrifter. Målet er å betre dei språklege arbeidsvilkåra for nynorskbedriftene, slik...

Unikt Aasen-materiale publisert på nett

Boksamlinga etter Ivar Aasen inneheld omlag 2 500 bøker. I januar i år tok Nynorsk kultursentrum til på arbeidet med å gå gjennom alle...