Over halvparten av dei spurte i Norsk seniorpolitisk barometer kan tenkje seg å jobbe etter at dei har fått rett til pensjon, skriv seniorpolitikk.no.
Delen som ønskjer å jobbe etter at dei får pensjon, har gått opp frå 34 prosent i 2004 til 54 prosent i dag. 66 prosent av alle arbeidstakarar over 60 år ønskjer å halde fram i jobb etter at dei får rett til pensjon. Det viser Norsk seniorpolitisk barometer for 2011.
Tala- viser at det er eit stort potensial for norsk arbeidsliv til å få seniorar til å stå i arbeid etter at dei får rett til pensjon. Klarer verksemda dette, vil dei få tilgang til arbeidskraft med rikhaldig kompetanse og erfaring, seier direktør i senter for seniorpolitikk, Kari Østerud. (©NPK)
