Heim Nyhende Siljan mot straumen

Siljan mot straumen

Ein av tre fullfører ikkje vidaregåande skule på landsbasis. I Siljan kommune i Telemark fullfører tilnærma alle vidaregåande.

Den vesle kommunen på grensa mellom Telemark og Vestfolk sender alle sine elevar på vidaregåande skule i nabokommunane. Heile 96 prosent av Siljan-elevane fullfører vidaregåande skule.

Skulesjef i Siljan, Morten Nystad, meiner ungdom frå Siljan kommune har ein fordel av å kome frå ein liten kommune når dei skal fullføre vidaregåande.

– Ein kan seie mykje rart om å bu i ein liten kommune, men ein av føremonene er at alle kjenner alle. I denne samangengen vil det seie at vi får ein veldig bra og tett oppfølgjings- og rådgjevingsteneste på ungdomsskulen, slik at elevane gjer eit riktig val første gongen. Grunnlaget er lagt i Siljan før dei byrjer på vidargåande skule ein annan stad, seier Nystad til NRK.

Dag Johnsen leier prosjektet «Ny Giv», kor kunnskapsdepartementet fokuserer på å få fleire til å fullføre vidaregåande skule.

– Det verkar som om dei har gode rådgjevarar i Silja. Det er viktig at rådgjevarar kjenner utdanningssystemet og at dei også kjenner arbeidslivet, slik at dei kan gje elevane råd om å ta utdanningar kor dei også kan få seg jobb i etterkant. Eg trur det er svært motiverande for elevane at dei ser at dei kan få jobb når dei er ferdig med utdanninga, seier Johnsen.

Korleis vil du råde andre skular til å få betre resultat, spør NRK prosjektleiaren.

– Rådgjevarane er viktige og det same er god kompetanse hos lærarane. Det er viktig at dei er i stand til å leggje opp undervisninga på ein så yrkesrelevant måte at elevane ser korleis dei kan bruke det dei lærer på skulen i eit seinare arbeidsliv. Det er nøkkelen til suksess på dette området, slår Johnsen fast i svaret sitt.

Telemark fylkeskommune gler seg over at Siljan lukkast med å gje elevane sine eit godt utgongspunkt for vidare utdanning.

– Det kan vere lettare å gjennomføre tiltak som gjev gode resultat i mindre kommunar enn i større. Prosjektet ”Ny Giv” har sett fokus på nettopp det at ungdomsskulen skal levere gode elevar, derfor synest eg at Siljan skal vere veldig frimodige på korleis dei har lukkast me det, seier Kristian Espeland, leiar av utval for kompetanse i Telemark fylkeskommune.

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Språkrådet ber avisene sikre nynorskdelen i framtida

Nynorskavisa Kvinnheringen kan publisere Amedia-tekstar og meiningsinnlegg på bokmål, men trur ikkje dei vil skrive mindre nynorsk framover. – Det som overraska mest var nok...

Litteraturbåten Epos inviterer til litteraturcruise i Hardanger heile sommaren!

No kan du bli med den gamle bokbåten på tur blant bøker, bølger og bygder i Hardanger! Den 61 år gamle båten Epos har vore...

Nynorsk litteratur der ute – og heim igjen

Korleis har litteratur på mindretalsspråket nynorsk enda opp med å vinne internasjonale prisar? Og kvar går vegen vidare? Dette er nokre av spørsmåla du kanskje...

Nynorsk og bokmål må inn i Grunnlova

Det er på høg tid å grunnlovfesta norsk som nasjonalt hovudspråk i Noreg og grunnlovfesta jamstillinga mellom bokmål og nynorsk. Den formelle likestillinga mellom bokmål...