Språkåret 2013, under leiing av Inger Johanne Sæterbakk, satsar friskt og vil nå ut til dei fleste av landets kommunar med eit eller fleire arrangement i løpet neste år, skriv Framtida.no.
SSSaman med med landsfemnande organisasjonar og institusjonar ynskjer Språkåret 2013 å få med alle landets kommunar på å markera bursdagen til Ivar Aasen 5. august. Planen er å gje ut eit språkmagasin til alle husstander, og basisarrangementa blir fordelt på heile landet og på ulike miljø.
Sæterbakk seier til Framtida.no at dei har seks store basisarrangement under planlegging på ulike stader i landet gjennom heile året der breidda i resten av aktiviteten vil til ein viss grad vere avhengig av kor mykje pengar dei får. Ho understrekar likevel at dei går breitt og offensivt ut no for å få flest muleg med seg, og ho håpar at løyvingane på statsbudsjettet blir av same omfang. For interessa for Språkåret er stor.
Det er Nynorsk kultursentrum, som også driv Ivar Aasentunet, som har fått i oppgåve frå Kulturdepartementet å drive Språkåret 2013. Det er 200-årsjubileet for Ivar Aasen sin fødsel og 100-årsjubileet til Det norske teatret som er bakgrunnen for feiringa av Språkåret i 2013, seier Sæterbakk til Framtida.no.
Les heile intervjuet med Sæterbakk på Framtida.no
