Heim Nyhende Skårar høgt på kultur

Skårar høgt på kultur

 

Gloppen kommune gjer det godt på kultur. – Me har eit variert tilbod, seier kultursjef Jan Kjetil Øygard. 

 

Kvar veke viser vi deg eit glimt

frå ein av kommunane som er med i LNK.

Denne veka: Gloppen

Nytt frå Gloppen:

Dette forverrar situasjonen
Kunstvegen er 12 mil

Aktuelle lenker:
Gloppen kommune
Firda Tidend
Flickr
Facebook

 

 

 I fjor toppa kommunen lista over dei beste kommunane på kultur i Norsk kulturindeks som Telemarksforsking står bak. I år kom dei på tredjeplass – berre slått av Vadsø på sølvplass og Røros som tronar på toppen. 

Øygard meiner ein kan takke frivillige hender, samt ei brei satsing på festivalar, bibliotek og kulturskule for at kommunen skårar så høgt. 

– Me har mange festivalar i løpet av eit år, alt frå countryfestival, bluesfestival, filmfestival, folkemusikkfestival og festival for klassisk musikk. 

– Er det marknad for så mange festivalar? 

– Ja, det trur eg. Men det er klart det ikkje er berre -berre å arrangere festival i klassisk musikk. Ein må formidle innhaldet i festivalen ut til folk, slår Øygard fast. 

Også i Gloppen er det ei utfordring å finne rom til kulturelle investeringar i det kommunale budsjettet. 

– Me har investert stort i bygningsmasse no i saman med fylkeskommunen, så det blir ein tøff budsjettrunde for å finne midlar til drift. Me har allereie starta med eigedomsskatt for å finansiere det. 

Når Øygard snakkar om utbygging snakkar han om bygging av Kulturhuset Trivselshagen der ein finn kulturbygg, kulturskule, symjehall, kafè, bibliotek og kino. Eit bygg som kosta 290 millionar kroner. 

Øygard trekk også fram miljøet rundt Firda vgs som eit kompetansemiljø som gir fleire synergieffektar i kulturmiljøet. 

Sjå korleis din kommune skårar på Norsk kulturindeks

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Ny lærebok vil vise at nynorskopplæring er moderne

Lærarstudentar og norsklærarar som strevar med nynorsk får gjennom ei ny bok høve til å styrkje nynorskkompetansen sin. – Boka er sett saman av ulike...

Vel nynorsk for barnet ditt!

Er du ein av dei mange tusen føresette som veit at dette er siste året i barnehage, og neste haust er det skulestart? Kanskje...

Det nynorske næringslivet foreinar kreftene

Den nye medlemsorganisasjonen Nynorsk bedriftsforum skal vere eit landsdekkande nettverk av og for nynorskbedrifter. Målet er å betre dei språklege arbeidsvilkåra for nynorskbedriftene, slik...

Unikt Aasen-materiale publisert på nett

Boksamlinga etter Ivar Aasen inneheld omlag 2 500 bøker. I januar i år tok Nynorsk kultursentrum til på arbeidet med å gå gjennom alle...