Kulturminister Hadia Tajik (Ap) vil bidra i kampen for nynorsk ved å bruke språket i sosiale medium.
– Eg kom fram til at det ikkje berre er skulane som har ansvar for å ivareta nynorsk som målform, men også politkarar, journalistar og andre som er opptatt av nynorsk. Eit av mine bidrag er difor å bruke nynorsk i sosiale medium, seier Tajik til Stavanger Aftenblad.
Kulturministeren er aktiv i sosiale medium og meiner det er viktig å vere der folk er i kvardagen.
– Sosiale medium er viktig og gir ein enkel tilgang. Det er naturleg at me som politikarar er der folket er, anten det er på kjøpesenter, på toget eller i sosiale medium, sier Tajik.
Tajik les også tidlegare denne veka opp rikets tilstand på vegner av Kongen under opninga av Stortinget. Ein tale som alltid skal lesast av den yngste ministeren og som alltid er på nynorsk.
