Heim Nyhende Skulemålrøysting i Sauherad

Skulemålrøysting i Sauherad

Søndag og måndag blir det folkerøysting om skulemål i Sauherad i Telemark, melder NRK.

Bakgrunnen er at skulane i kommunen skal slåast saman til ein frå hausten av. I dag er det tre grendaskular med bokmål som hovudmål, og desse skal slåast saman med den einaste barne- og ungdomsskulen i kommune, Gvarv skole/Sauherad ungdomsskole. På Gvarv er nynorsk hovudmål, men skulen har også bokmålselevar.

No har kommunen lagt opp til ei rådgjevande folkerøysting om skulemål, men ifølgje NRK er det ikkje den store kamviljen i kommunen nett no. Debatten kring skulesamanslåinga har vore så støyande at dei folkevalde truleg har fått nok.

Les også: Folkerøystingar – til gode for nynorsken?

Det kan fungerande leiar i Nes mållag, Ola Vea Gustavsen også stadfeste. Han håper likevel at Gvarv skule vil halde fram med å vere ein nynorskskule, også etter at den har blitt større.

– Kommunen argumenterer med at det vil bli fordyrande med ein skule kor ein må ha språkdeling. Men vi trur dette handlar om korleis ein reknar på det. Det finst mildar som kommunen kan søke om for å dekke utgiftene til språkdeling, seier Gustavsen til LNK.no.

Ei språkdeling blir det uansett, trur Gustavsen, anten ein bokmålsskule med nynorskelevar, eller ein nynorskksule med bokmålselevar. Mållaget ser positivt på det språklege mangfaldet i skulen, men ønskjer først og fremst at kommunen skal ha ein nynorskskule.

Saka skal avgjerast i kommunestyret til før sommaren.

 

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Ny lærebok vil vise at nynorskopplæring er moderne

Lærarstudentar og norsklærarar som strevar med nynorsk får gjennom ei ny bok høve til å styrkje nynorskkompetansen sin. – Boka er sett saman av ulike...

Vel nynorsk for barnet ditt!

Er du ein av dei mange tusen føresette som veit at dette er siste året i barnehage, og neste haust er det skulestart? Kanskje...

Det nynorske næringslivet foreinar kreftene

Den nye medlemsorganisasjonen Nynorsk bedriftsforum skal vere eit landsdekkande nettverk av og for nynorskbedrifter. Målet er å betre dei språklege arbeidsvilkåra for nynorskbedriftene, slik...

Unikt Aasen-materiale publisert på nett

Boksamlinga etter Ivar Aasen inneheld omlag 2 500 bøker. I januar i år tok Nynorsk kultursentrum til på arbeidet med å gå gjennom alle...