Heim Nyhende Småkommunane vil ikkje slå seg saman med Ålesund

Småkommunane vil ikkje slå seg saman med Ålesund

Naboane seier nei til å gå saman med Ålesund i Noregs største nynorskkommune.

 

Ifølgje ei undersøking i Ålesund kommune i mai, kunne dei godt tenkje seg å danne ein storkommune. Men i dei mindre sunnmørskommunar der folket sa si meining torsdag er motstanden stor.

Kommunane Ålesund, Giske, Haram, Hareid, Sandøy, Skodje, Stordal, Sula, Sykkylven og Ørskog har i forkant av folkeavstemmingane og spørjeundersøkingane gjort ein intensjonsavtale om samanslåing. Den har ikkje falle i god jord hos innbyggjarane.

Ordførarar for og imot

I Sula var dommen frå innbyggjarane også klar. Der ville 89 prosent halde fram åleine.

– Det er bra at folket er på linje med det politiske fleirtalet i kommunen, seier Sula-ordførar Jim Arve Røssevold til NRK.

I Giske stemte 78 prosent for eigen kommune trass i at ordførar Harry Valderhaug (KrF) i forkant var veldig positiv til intensjonsavtalen.

Han trur den labre stemninga blant veljarane kjem av at politikarane i kommunane ikkje har lykkast i å overtyde innbyggjarane. I kommunen møtte under halvparten av dei stemmeføre opp til valet.

– Avtalen vart for rund og lite konkret, seier ordføraren til Sunnmørsposten.

Klart nei

Fleire andre kommunar viste også tydeleg at dei ikkje har tru på at avtalen er bra for dei. I desse kommunane var svaret nei: Stordal med 54 prosent, Herøy med 62 prosent, Hareid med 72 prosent og Ulstein med 63 prosent.

– No slepp vi jo å skifte ut HØ på båtane våre, seier Herøy-ordførar Arnulf Goksøyr (H) til Sunnmørsposten. Han var førebudd på eit nei ut ifrå inntrykket han har fekk frå folk i forkant av folkeavstemminga.

LES OGSÅ: Mange små kommunar seier nei

Fleire for mindre samanslåingar

I Norddal var alternativa å fortsette åleine, eller slå seg saman med Stordal, Ørskog og Skodje. Der stemte 45 prosent for å fortsette åleine, mens 36 prosent stemte blankt.

I Skodje stemte 47 prosent for å slå seg saman med Storfjord kommune. I Haram vil 52 prosent av innbyggjarane ha ei samanslåing med Sandøy.

I Ørskog svarte 83 prosent ja til ein landkommune saman med Skodje, Stordal og Norddal.

I Ørsta stemte 62 prosent nei til samanslåing med Volda, mens i Volda seier nærare 70 prosent nei til samanslåing med Ørsta, skriv avisa.

Sykkylven har utført ein innbyggjarundersøking, men vil vente med å legge fram resultatet til Stranda har halde innbyggjarundersøking tidleg i juni.

Fristen for å fatte vedtak om frivillig samanslåing er 1. juli. (©NPK)

LES OGSÅ: – Har hatt veldig lite om valet på skulen

NYNORSK INSPIRASJON

SPRÅKBRUKSPLANAR

Meir enn 30 av LNK sine medlemskommunar har vedteke eigne språkbruksplanar – eller målbruksplanar som dei ofte vart kalla før. Dei fleste planane byggjer...

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

MEST LESE

Krev Google-handling frå regjeringa

Mållaget, Nynorsksenteret og LNK stilte tydelege krav då dei møtte statssekretær i Kulturdepartementet denne veka.  – Me veit at fleire skular har google-maskiner og bruker...

Ber om 36 millionar til nynorsk kulturløft

Nynorsk har ikkje kome godt nok ut av Støre si regjeringstid. No ber dei 21 medlemsinstitusjonane i Nynorsk forum om 36 millionar til eit...

LNK gler seg over pengar til læremiddel på nynorsk for vaksne innvandrarar – men det er behov for meir

Direktoratet for høgare utdanning og kompetanse (HK Dir) lyser ut 1,5 millionar kroner til læremiddel som skal brukast i opplæringa i norsk for vaksne...
Blant klassane på nynorske barneskular som bruker nettbrett eller pc minst éin gong i veka, er det 77 prosent som bruker digitale læringsressursar og læremiddel som berre finst på bokmål. Foto: Pixabay

Språkrådet testa KI-språket – fann grovare og fleire feil på nynorsk

Språkrådet har testa kor god ChatGPT i bokmål og nynorsk. Kunstig intelligens (KI) pregar stadig meir av kvardagen vår – på jobben, på skulen og...