Heim Nyhende Språkåret 2013 avsluttar med festkveld i Ivar Aasen-tunet

Språkåret 2013 avsluttar med festkveld i Ivar Aasen-tunet

Brageprisvinnar Brynjulf Jung Tjønn og artistane Moddi og Sigrid Moldestad er alle med på avslutningsfesten for Språkåret fredag 6. desember i Ivar Aasen-tunet.

 

Det blir innslag på og om mange språk, og programmet blir også prega av at Språkåret no går over i Grunnlovsjubileet 2014. Kven som har fått æra av å stå for den offisielle avslutninga, blir først avslørt den kvelden, skriv Aasentunet på sine nettsider.

– Avslutningsfesten «Året som aldri sluttar» viser fram og feirar det språklege mangfaldet i Noreg, seier produsent Jannicke Velsvik i Språkåret 2013.

– Hundrevis av arrangement er gjennomførte over heile landet etter at vi opna i Kristiansand 2. januar. På avslutningsfesten viser vi litt frå alt som har skjedd, og noko ingen har høyrt før. Avslutningsfesten er eit samarbeid mellom Nynorsk kultursentrum og Språkåret 2013. Ida Habbestad leier arrangementet, som er ope for alle, og billettar er lagde ut for sal.

Forfattarar og musikarar frå øvste hylla
Brynjulf Jung Tjønn vann nyleg Brageprisen i klassa for barne- og ungdomslitteratur. I romanen Så vakker du er skriv han lett om noko tungt, og vakkert om noko vondt.

Senjaværingen Moddi gav ut plata Kæm va du i haust, og for første gong syng han på norsk, til svært gode kritikkar. Mangfaldige Sigrid Moldestad er felespelar, songar, skodespelar og slåttekomponist i eitt, og fleire Spelemannprisar, på samvitet. Publikum får mellom anna høyre songar frå eit nytt album som kjem til våren.

Året som aldri sluttar
Språkåret 2013 har engasjert og provosert, kontakt er etablert mellom språkmiljø som har snakka lite saman før, undring skapt og ny kunnskap formidla.

– Språkåret 2013 er året som aldri sluttar. Avslutningsfesten skal vise at språk og språkpolitikk er så viktig at det må gjerast mykje også etter 2013. Difor vonar vi samspelet mellom språk og demokrati blir viktig i Grunnlovsjubileet 2014, avsluttar Velsvik.

 

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Nynorsk teaterjubel i raudgrøn budsjettsemje

– Alle som er glade i nynorsk scenekunst, kan sende ein varm tanke og ei hjarteleg takk til Audun Lysbakken og SV. Det seier leiar...

Ny lærebok vil vise at nynorskopplæring er moderne

Lærarstudentar og norsklærarar som strevar med nynorsk får gjennom ei ny bok høve til å styrkje nynorskkompetansen sin. – Boka er sett saman av ulike...

Vel nynorsk for barnet ditt!

Er du ein av dei mange tusen føresette som veit at dette er siste året i barnehage, og neste haust er det skulestart? Kanskje...

Det nynorske næringslivet foreinar kreftene

Den nye medlemsorganisasjonen Nynorsk bedriftsforum skal vere eit landsdekkande nettverk av og for nynorskbedrifter. Målet er å betre dei språklege arbeidsvilkåra for nynorskbedriftene, slik...