Heim Nyhende Språkrådet har talt – ferja skal bruke nynorsk

Språkrådet har talt – ferja skal bruke nynorsk

Klar melding frå Språkrådet.

 

I januar sende Norsk Målungdom spørsmål til Språkrådet om kva språk som skal nyttast på ferjer i nynorskområde. Saka starta då Norsk Målungdom reagerte på bokmålsbruken på Anda-Lote og Lavik-Oppedal. No har isen fere frå fjorden, og Språkrådet har svara: Ferjene skal ha skilt og informasjonsopplesing på nynorsk.

– Dette er rett og rimleg, seier Fredrik Hope, sentralstyremedlem i Norsk Målungdom. – Språkrådet har slått fast at Mållova gjeld både til lands og til vanns, og vi ventar at Norled, Fjord1 og dei andre ferjedriftarane fylgjer opp, seier han. Språkrådet skriv i sitt svar at ferjer som går mellom to kommunar med nynorsk som tenestemål, skal bruke nynorsk. I svaret sitt pressiserer dei at ferjene mellom Anda-Lote og Lavik-Oppedal skal vere nynorskferjer, sidan ferjene går mellom nynorskkommunar.

– Her må ordførarar i nynorske ferjekommunar fylgje opp, og passe på at veljarane får sjå språket sitt der dei har krav på det, seier Hope. Både Sogn og Fjordane Fylkeskommune og Statens vegvesen fekk tilsend brevet frå Språkrådet.

– Dei som driv ferjene i fylket forvaltar i røynda eit stateleg tilbod. Tydlege språkkrav og god oppfylging frå dei som lyser ut desse tilboda er viktig for at nynorskbrukarane sine språkrettar skal verte realisert, poengterer målungdomen.

Språkrådet har dessutan uttalt seg om kva reglar som gjeld for snøggbåtar i nynorskområder. – Her legg dei til grunn at dei same prinsippa skal gjelde for både ferjer og snøggbåtar, sjølv om Mållova ikkje gjeld på same måte for snøggbåtar. Her må nynorskfylka vere språkmedvitne når dei skriv anbodstekstar. Det vil gagne både nynorsken og nynorskbrukarane, avsluttar Fredrik Hope.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Nynorsk teaterjubel i raudgrøn budsjettsemje

– Alle som er glade i nynorsk scenekunst, kan sende ein varm tanke og ei hjarteleg takk til Audun Lysbakken og SV. Det seier leiar...

Ny lærebok vil vise at nynorskopplæring er moderne

Lærarstudentar og norsklærarar som strevar med nynorsk får gjennom ei ny bok høve til å styrkje nynorskkompetansen sin. – Boka er sett saman av ulike...

Vel nynorsk for barnet ditt!

Er du ein av dei mange tusen føresette som veit at dette er siste året i barnehage, og neste haust er det skulestart? Kanskje...

Det nynorske næringslivet foreinar kreftene

Den nye medlemsorganisasjonen Nynorsk bedriftsforum skal vere eit landsdekkande nettverk av og for nynorskbedrifter. Målet er å betre dei språklege arbeidsvilkåra for nynorskbedriftene, slik...