I går, onsdag, samla 18 ungdommar i alderen 16 til 19 seg for å stifte Søre Sunnmøre Målungdom.
På stiftingsmøtet hadde laget fått besøk av nestleiar i Norsk Målungdo Vebjørn Sture. Saman med Sture la det nystarta laget planar og strategiar for oppstarten og utbreiing av laget og ideologien. Å påverke studentane ved medialinja i Volda til å halde på språket sitt, henge opp plakatar på dodørene, vere aktive i sosiale medium var nokre av ideane som kom opp denne kvelden, fortel nettavisa nærnett. Vebjørn Sture understreker overfor avisa at målungdommen gjer ein viktig jobb for målsaka.
– I det siste har vi sett at kjerneområda reiser seg, Nordvestlandet, med Møre og Romsdal og Sogn og Fjordane har vist større interesse enn tidlegare. Lokallaga kan utøve det vi planlegg sentralt. Dei kan vere der når det skjer.
