Heim Nyhende Store sprik i valdeltakinga i samanslåtte kommunar

Store sprik i valdeltakinga i samanslåtte kommunar

Ingen stader i landet var valdeltakinga i kommunevalet i år større enn i Vestland. Samtidig er det store sprik i valdeltakinga i nye kommunar.

 

Sett under eitt var valdeltakinga for kommunane i Vestland fylke på 67,5 prosent. I mange nye kommunar var oppmøtet endå høgare. Frammøteprosenten i Bjørnafjorden kommune sør for Bergen var til dømes 72 prosent, medan dei nye kommunane Alver nord for Bergen og Ullensvang i Hardanger begge hadde 70 prosent frammøte. Det same hadde Sogndal.

Ser ein nærmare på valdeltakinga til dei nye kommunane, er det likevel store variasjonar. Valkretsen Trudvang midt i Sogndal hadde til dømes 67 prosent frammøte, medan Leikanger hadde 74 prosent. I valkretsen Fjordane i Sogndal kommune var det heile 82 prosent som røysta.

Den same tendensen finn vi i nye Ullensvang kommune. Medan 66 prosent av dei røysteføre i Odda brukte røysteretten sin, gjorde 79 prosent av innbyggjarane i Jondal det same.

Også i Bjørnefjorden kommune er valdeltakinga litt høgare i fleire av valkretsane utanfor sentrum. Dette gjeld spesielt i Fusa kommune.

Valdeltakinga varierer også mykje i nye Ålesund kommune i Møre og Romsdal. Innbyggjarane på Lepsøya i Haram kommune toppar statistikken. Her var det 77,8 prosent som nytta røysteretten sin, medan berre 49 prosent av dei røysteføre i Ålesund sentrum gjorde det same.

– Ser ut som ei mobilisering

– For dei delane av landet som er berørte av kommunesamanslåing, ser det ut til å vera eit visst mønster her. Det kan verka som om delar av dei gamle kommunane har klart å mobilisera, og spesielt dei som er utanfor sentrum. Det tyder på at dei vil ha sitt å seia i den nye kommuneeiningane, seier dagleg leiar Thore Gaard Olaussen for Respons Analyse i Bergen til Nynorsk pressekontor.

Han meiner elles at den høge valdeltakinga i Vestland heng saman med at valet i år generelt har vore eit mobiliseringsval og protestval på fleire måtar.

– Først og fremst at det har vore eit mobiliseringsval for ein del protestveljarar. Eg tenkjer då på bompengelista og Miljøpartiet Dei Grøne. I tillegg har vi den tradisjonelle sentrum-periferi-dimensjonen som Senterpartiet har mobilisert på. Desse tre er tre av vinnarane av valet, seier han. (©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Ny lærebok vil vise at nynorskopplæring er moderne

Lærarstudentar og norsklærarar som strevar med nynorsk får gjennom ei ny bok høve til å styrkje nynorskkompetansen sin. – Boka er sett saman av ulike...

Vel nynorsk for barnet ditt!

Er du ein av dei mange tusen føresette som veit at dette er siste året i barnehage, og neste haust er det skulestart? Kanskje...

Det nynorske næringslivet foreinar kreftene

Den nye medlemsorganisasjonen Nynorsk bedriftsforum skal vere eit landsdekkande nettverk av og for nynorskbedrifter. Målet er å betre dei språklege arbeidsvilkåra for nynorskbedriftene, slik...

Unikt Aasen-materiale publisert på nett

Boksamlinga etter Ivar Aasen inneheld omlag 2 500 bøker. I januar i år tok Nynorsk kultursentrum til på arbeidet med å gå gjennom alle...