I går vart årets wikipedianarar utnemnd i Oslo. Årets nynorske wikipedianar er meteorolog, heiter Frode H. Korneliussen og jobbar til dagleg i Aserbajdsjan.
Korneliussen har brukarnamnet Frokor på Wikipedia. Frokor har starta heile 28 369 artiklar på i den nynorske versjonen av leksikonet. Det utgjer om lag ein av tre nynorskartiklar, melder nettavisa Framtida.no.
– Frokor har bidrege sterkt til å få Wikipedia på nynorsk til å bli eit solid leksikon med over 80.000 artiklar og meir enn fire millionar sidevisingar i månaden.
Det sa Jarle Vines, styreleiar i Wikimedia Norge, då han delte ut prisen på måndag.
Nynorsk Wikipedia har i skrivande stund nøyaktig 82 521 artiklar, medan bokmål/riksmålutgåva har 337 539 artiklar.
