Unge Venstre vil byrje med sidemålsopplæring allereie i 3. klasse. Noko leiar i Noregs Mållag, Håvard B. Øvregård, er godt nøgd med.
På landsmøtet til Unge Vesntre gjekk ungdomspartiet inn for å byrje med tidleg sidemålsopplæring, noko dei eminer er lurt sidan elevane er meir motiverte tidlegare i skuleløpet.
– Vi kunne ikkje vere meir samde med Unge Venstre. Det er svært gledeleg at ungdomspartia er nytenkjande og prioriterer betre sidemålsopplæring. Så vel Unge Venstre som AUF har vist at det er mogleg å tenkje framoverretta for ei god og betre sidemålsopplæring, seier Øvregård i ei pressemelding.
– Dagens ordning, der det heiter at elevane fyrst dei to siste åra på ungdomsskulen skal lære både bokmål og nynorsk, er basert på ein gamaldags og utdatert tankegang rundt læring av dei to norske skriftspråka. I dag veit vi at ungar lærer språk betre di yngre dei er, og er i stand til å lære fleire språk samstundes.
