Ordførarane i Indre Sogn klarer ikkje å bli samde om Lærdal sjukehus bør oppretthaldast som lokalsjukehus, skriv NRK Sogn og Fjordane.
– Her har vi ulik ståstad og ulike synspunkt. Vi klarer ikkje å samle oss om eitt felles standpunkt i denne saka, seier leiar i regionrådet, Torodd Urnes til NRK Sogn og Fjordane.
Kommunane arbeider no med høyringsutalar til Helse Førde om helsetilbodet i Sogn.
– For oss i Vik er det like langt til Lærdal som til Førde. Vi ser på dette strategidokumentet ut frå behovet som innbyggjarane i Vik har, seier ordførar i Vik kommune, Marta Finden Halset og legg til:
– Både sjukehusreforma og samhandlingsreforma seier at fylkesgrensene ikkje skal vere til hinder for samhandling og gode helsetenster. Ut frå det perspektivet så spelar det lita rolle for meg om Sogn blir splitta eller ikkje, seier Finden Halset.
