Heim Innspel På friarferd

På friarferd

LEIAR: Kommunesamanslåing er eit heitt tema for tida. Dei fleste ordførarar kjenner dilemmaet på kroppen, skal dei fri til nabokommunen, eller vil dei klare seg best åleine? Og skal ein fri, kven skal ein i grunn fri til?

Ingen er i tvil om at kommunane vil møte store utfordringar i åra framover, ikkje minst vil den forventa samhandlingsreforma setje store krav til fagmiljø og tenestenivå i kommunane. I tillegg møter kommunane klassiske utfordringar i eit ofte synkande folketal og ein kamp for å få tak i kvalifisert arbeidskraft innan mange fagfelt.

Det blir sagt at dersom ein kommune skal få noko ut av den planlagde samhandlingsreforma, som vil krevje ei opprusting av kommunehelsetenesta, bør kommunen ha mellom 20.000 og 25.000 innbyggarar. Dersom ein skal oppnå dette vil det naturlegvis føre til ei betydeleg redusering i talet på kommunar.

– Eg trur tida er overmoden for å gjere noko med kommunestrukturen, seier ordførar i Nord – Fron, Tove Haugli til LNK-avisa.

Ho har truleg eit poeng. Men skal ei eventuell kommunesamanslåing gjennomførast frivillig, eller er det naudsynt med tvang? I eit ideelt samfunn burde slike prosessar vere baserte på kva kommunane sjølve, og grasrota, ynskte. Likevel kan ein undre seg på kor mange kommunesamanslåingar ein vil få dersom ein utelukkande skal basere seg på frivillige frieri. Det er gjennomført fire frivillige kommunesamanslåingar sidan 2002. Det er ikkje mange.

Uansett bør innbyggarane stå i sentrum når ein vurderer eventuelle samanslåingar. Det er dei det handlar om. Innbyggarane er ikkje så interesserte i kven som får posisjonane i dei nye kommunane, dei er derimot interesserte i om dei får eit godt tenestetilbod, om dei får behalde grendeskulen i bygda, og om dei er sikra barnehageplass.

Så er spørsmålet: er det den store eller den vesle kommunen som sikrar innbyggarane sine behov på den beste måten?

 

Førre artikkelPå barrikaden
Neste artikkelStrid om lokalsjukehus

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Språkrådet ber avisene sikre nynorskdelen i framtida

Nynorskavisa Kvinnheringen kan publisere Amedia-tekstar og meiningsinnlegg på bokmål, men trur ikkje dei vil skrive mindre nynorsk framover. – Det som overraska mest var nok...

Litteraturbåten Epos inviterer til litteraturcruise i Hardanger heile sommaren!

No kan du bli med den gamle bokbåten på tur blant bøker, bølger og bygder i Hardanger! Den 61 år gamle båten Epos har vore...

Nynorsk litteratur der ute – og heim igjen

Korleis har litteratur på mindretalsspråket nynorsk enda opp med å vinne internasjonale prisar? Og kvar går vegen vidare? Dette er nokre av spørsmåla du kanskje...

Nynorsk og bokmål må inn i Grunnlova

Det er på høg tid å grunnlovfesta norsk som nasjonalt hovudspråk i Noreg og grunnlovfesta jamstillinga mellom bokmål og nynorsk. Den formelle likestillinga mellom bokmål...