Hadia Tajik (Ap) blir truleg ny kulturminister i dag. Dermed blir ho den yngste ministeren nokonsinne.
– Ho er ung, og har markert seg veldig. Det blir spanande å fylgje henne, seier politisk redaktør Hanne Skartveit i VG til TV2 Nyhetskanalen.
Les Tajik sin kommentar på lnk.no: Kva har du gjort for nynorsken i det siste?
Dersom Tajik tar over som kulturminister i dag etter Anniken Huitfeldt blir ho den yngste ministeren nokonsinne.
Sissel Rønbeck var også berre 29 år då ho blei forbrukar- og administrasjonsminister hausten 1979, men var då nokre veker eldre enn Tajik, skriv Stavanger Aftenblad.
– Ho er det eneste nye fjeset i regjeringa. Ho er ung og spanande, seier politisk redaktør Stein Kåre Kristiansen i TV2.
Hadia Tajik sit i dag på Stortinget for Oslo Ap, og har tidlegare arbeidd som mellom anna journalist og politisk rådgjevar.
Dei andre endringane i regjeringa i dag blir truleg at Jonas Gahr Støre blir ny helseminister, Anne-Grete Strøm-Erichsen går frå helseminister over til å bli forsvarsminister. Arbeidsminister Hanne Bjurstrøm går ut av regjeringa og Anniken Huitfeldt blir ny arbeidsminister. Espen Barth Eide går frå forsvarsminister til utenriksminister.
