Kommunane hadde meir enn 466.000 sysselsette på tampen av 2013.
Dette er ein auke på 1,2 prosent eller 5.400 personar frå 2012, syner ferske tal frå Statistisk sentralbyrå.
Så mange som 43 prosent av alle kommunalt sysselsette jobbar i kommunale helse- og sosialtenestene, noko som utgjer 155.500 årsverk. Frå 2012 hadde denne sektoren ein auke i avtalte årsverk på 1,7 prosent og nærmare 2.700 årsverk. For dei andre kommunale områda har det berre vore mindre endringar i talet på årsverk i den same perioden.
Nær 71 prosent av dei avtalte årsverka i pleie og omsorg vart utførte av personell med helse- og sosialfagleg utdanning. Sidan 2009 har delen med faglærd personell auka frå 68 til 71 prosent.
På fylkesnivå er det ein svak oppgang med 0,4 prosent frå 2012 til 2013. Sysselsetjingstalet auka med rundt 330 personar. Vidaregåande opplæring utgjer framleis 81 prosent av dei avtalte årsverka i fylkeskommunane. (©NPK)
