Håvard B. Øvregård tar attval som leiar i Noregs Mållag. Øvregård har vore leiar i Mållaget dei siste to åra. Før det var han nestleiar i fleire år.
Mållaget har gåande ein kampanje retta mot barnehagane, og denne kampanjen vil halde fram også i 2011. I tillegg vil Øvregård mellom anna jobbe for at vaksne innvandrarar skal få opplæring i nynorsk, for at sidemålsundervisninga for dei med bokmål som hovudmål skal få eit løft, og for at kommunane i det heile skal ta meir ansvar for nynorskelevane.
Håvard B. Øvregård er 35 år gammal og kjem opphavleg frå Volda. Noregs Mållag sitt årsmøte finn stad i Suldal 8. til 10. april. I tillegg til at Øvregård er innstilt som leiar, er Aud Søyland innstilt som ny nestleiar.
