No kan du teste ut framlegget til ny nynorsknorm med den elektroniske ordboka «Ordrik».
Det er dataselskapet Nynodata i Bø i Telemark som har koda ordboka si slik at det blir lett å sjå kva for former som går ut, og kva som blir ståande i den nye rettskrivinga for nynorsk. Ein testversjon av «Ordrik» kan lastast ned gratis frå nettsidene til Nynodata.
Testversjonen inneheld alle hovudformer og sideformer slik dei står i dag, men alle strokne ordformer er markert med fargekodar.
Rettskrivingsnemnda i Språkrådet la fram innstillinga si 1. februar og skal no gå gjennom reaksjonane dei har fått i høringsrunden, som vart avslutta 25. februar. Nemnda skal levere ei endeleg tilråding til Språkrådets fagråd for normering og språkobservasjon innan 1. april. (NPK)
