Direktoratet for forvaltning og IKT (Difi) har kåra årets offentlege nettstadar. Tromsø fekk prisen for beste kommunale nettstad.
– Årets vinnar har forbetra seg sidan i fjor og har auka frå 4 til 6 stjerner. Kommunen har ei framside med god balanse mellom nyhende, tenestetilbod og aktuelle saker, som til dømes svineinfluensa. Gjennom tenester som GataMi, inviterar nettstaden til brukarinvolvering med innbyggjarane og gir innsyn i saker som blir innmeldt. GataMi kunne ha vore betre integrert i nettstaden, og kommunen må gjerne vurdere å ta i bruk Los som Tenestestruktur. Juryen meinar at vinnaren har eit ryddig og svært tiltalande design som gjer at nettstaden framstår som attraktiv for brukarane, skriv juryen om nettsidene til Tromsø kommune.
Porsgrunn og Sørum kommune var også nominerte til prisen. Sørum nådde ikkje opp her, men fekk Tilgjengelegheitsprisen 2009. Her legg juryen vekt på at sida er brukarvennleg og at brukaren har moglegheit til å tilpasse utforminga ved å endre farge, lenkemarkering og tekst. Regjeringa.no vann prisen for beste offentlege nettstad.
Les meir her.
