— Nynorsk er eit døyande språk, seier reklameekspert Hans Geelymuyden Kiese.
Kiese meiner næringslivet i Osterøy gjer rett i å ikkje profilere seg på nynorsk. Hans Geelmuyden, han er ikkje i tvil om kva som er grunnen.
— Dei brukar bokmål fordi nynorsk er eit døyande språk. Vi i kommunikasjonsbransjen er opptatt av alt som lever, seier han til Bygdanytt.
Bygdanytt har sjekka heimesidene til dei 20 største bedriftene på Osterøy, alle med ein omsetning på over 30 millionar kroner. Berre to av dei brukar nynorsk når dei skal presentera seg for kundar på nettet.
Leiar i Noregs mållag, Marit Aakre Tennø, synest det er synd at osterøybedriftene vel bort nynorsken. Ho meiner næringslivet har eit språkleg ansvar.
— Jo fleire som brukar språket, jo meir levande blir det. Vi veit at i områda der nynorsken står sterkast, er det nynorsk overalt, også der verksemdene møter omverda, seier ho.
