Barneforestillinga Dyrehagen Hardanger, basert på Jon Fosse-boka med same namn, blir kanskje Hordaland teaters største satsing nokon sinne.
Så seier i alle fall Hordaland teater sin informasjonssjef Irene Smørdahl til Bergens Tidende denne veka. Dyrehagen Hardanger har urframsyning på Hordaland teater si scene på Stend kommade tysdag, og etter det skal framsyninga ut på turne rundt i Hordaland og til Det Norske Teatret i Oslo.
Dyrehagen Hardanger er basert på barneboka Jon Fosse gav ut i 1993. Den handlar om ein gjeng barn som leikar dyrehage på ein låve i Hardanger. Når dyra byrjer rømme eller skifte ham, får barna problem. Men dei vaksne vil ikkje ta dei alvorleg.
Ensemblet som reiser på tur med Dyrehagen Hardanger består av skodespelarar frå teateret, dansarar frå Frikar og Abscence Crew og kjende musikarar frå jazz- og folkemusikkmiljøet i Hordaland.
