Heim Nyhende Ulfsby ny teatersjef

Ulfsby ny teatersjef

Erik Ulfsby (39) er tilsett som ny teatersjef ved Det Norske Teatret. Han vil gjerne satse på nyskapande teater.

Ulfsby byrjar i stillinga 1. januar 2011. I innstillinga frå styret vert det lagt vekt på at Erik Ulfsby er ein fagleg sterk kandidat med stort engasjement og sterk motivasjon. Styret viser også til at Ulfsby har ein kunstnarleg visjon som dei trur vil utvikle teatret i positiv retning. Sjølv er han audmjuk og motivert til å byrje i den nye jobben.

Eg ser fram til å få jobbe saman med alle dei fantastiske menneska på Det Norske Teatret. Saman skal vi peike ut vegen vidare for teatret. Dette er ei stor utfordring som eg gler meg til, seier Ulfsby.

Ulfsby brenn spesielt for den nye dramatikken, dei nye generasjonane skodespelarar og dei nye uttrykka. Han ynskjer å lage nyskapande teater.

– Det betyr jo sjølvsagt ikkje at me ikkje skal setje opp eldre stykke, meiner den nytilsette teatersjefen.

Erik Ulfsby er i dag ein ettertrakta regissør og står mellom anna bak oppsetjingar som Isslottet, Jungelboka og no sist Jesus Christ Superstar på Det Norske Teatret. I vår blei Ulfsby nominert til Heddaprisen i klassen beste regi for Lang dags ferd mot natt (Teatret Vårt) og Jungelboka (Det Norske Teatret). Jungelboka fekk Heddaprisen for beste barne- og ungdomsframsyning i 2009, og Ulfsby mottok i 2006 Heddaprisen i klassen Årets teaterprosjekt for framsyninga Bollywood Ibsen – Fruen fra Det indiske hav.

Ulfsby er også audmjuk med tanke på at han tek over stillinga etter Vidar Sandem, som har vore teatersjef i 13 år.

– Han har vore ein tydeleg og markert teatersjef, slår han fast.

Førre artikkelHeidra profil
Neste artikkelSpråkdirektøren

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Språkrådet ber avisene sikre nynorskdelen i framtida

Nynorskavisa Kvinnheringen kan publisere Amedia-tekstar og meiningsinnlegg på bokmål, men trur ikkje dei vil skrive mindre nynorsk framover. – Det som overraska mest var nok...

Litteraturbåten Epos inviterer til litteraturcruise i Hardanger heile sommaren!

No kan du bli med den gamle bokbåten på tur blant bøker, bølger og bygder i Hardanger! Den 61 år gamle båten Epos har vore...

Nynorsk litteratur der ute – og heim igjen

Korleis har litteratur på mindretalsspråket nynorsk enda opp med å vinne internasjonale prisar? Og kvar går vegen vidare? Dette er nokre av spørsmåla du kanskje...

Nynorsk og bokmål må inn i Grunnlova

Det er på høg tid å grunnlovfesta norsk som nasjonalt hovudspråk i Noreg og grunnlovfesta jamstillinga mellom bokmål og nynorsk. Den formelle likestillinga mellom bokmål...