Blant anna ynskjer me å nytte oss av språkkurset til LNK, seier rådmann i Vang kommune, Reidar Thune.
Han meiner tida var komen for kommunen til å melde seg inn nynorskorganisasjonen.
– Språket og talemålet vårt er viktig for kommunen, og ikkje minst ein viktig del av kulturarven vår.
Thune håpar ein ved å vere medlem i LNK kan vere med å støtte opp om nynorsken og ikkje minst formidle at språket er viktig.
– Då tenkjer eg spesielt på ungdommane våre, me vil jo gjerne at dei kjem heim att til kommunen, slår han fast.
I første omgang ynskjer no kommunen å nytte seg av språkkurset På saklista som LNK tilbyr i samarbeid med Høgskulen i Sogn og Fjordane.
– Det er alltid viktig å gjennomgå språket vårt, og då ikkje berre nynorsken. Men me skal uansett målform ha ei språkføring som alle forstår, det er viktig korleis ein pakkar inn det ein skriv, meiner rådmannen.
