Statssekretær Trude Storheim (Ap) og direktør i Språkrådet Åse Wetås kjem saman med ei rekkje andre interessante innleiarar til landstinget til LNK 3.-4. juni 2025 i Øygarden. Kjem du?
Landstinget til LNK blir arrangert annakvart år, og er ein viktig møteplass for nynorskkommunane. Målet vårt er at landstinget blir ein framtidsverkstad for nynorsk i kommunane.
Direktør i Språkrådet Åse Wetås og senterleiar ved Nasjonalt senter for nynorsk i opplæringa Synnøve Marie Sætre er mellom dei som innleier. Meir av programmet til landstinget kjem etter kvart.
Programmet startar med lunsj tysdag 3. juni kl 1130 på Panorama Hotell & Resort i Øygarden og blir avslutta med lunsj 4. juni.
Me håpar du har høve til å koma slik at kommunen din blir representert!
PROGRAM:
TYSDAG 3. JUNI
11.00 Registrering
11.30 Lunsj
12.30 Opning: Velkomen til Øygarden v/ordførar Tom Georg Indrevik
12.40 Leiartale ved Sara Hamre Sekkingstad, styreleiar i LNK
12.50 Kulturell opning med Vivian Steinsland
Tema: Korleis skal staten ta «særleg ansvar for å fremje nynorsk» dei neste fire åra?
13.00 Innleiing ved statssekretær Trude Storheim (Ap)
13.10 Debatt mellom statssekretær Trude Storheim (Ap), stortingsrepresentant Erling Sande (Sp), Hege Lothe, 1. stortingskandidat for SV, Peder Lofnes Hauge, leiar i Noregs Mållag.
13.50 Pause
Tema: Inspirerande nynorskundervising
14.00 Opplæringslova, språklova og ny giv for nynorsk i skulen ved Synnøve Marie Sætre, senterleiar ved Nasjonalt senter for nynorsk i opplæringa, Høgskulen i Volda
14.15 Korleis hindrar me språkbyte? ved høgskulelektor og lektor i ungdomsskulen, Jorid Saure.
14.30 Slik blir skuletimane aktuelle med nynorsk ved Svein Olav B. Langåker, dagleg leiar i LNK og redaktør i Framtida Junior og Andrea Nøttveit, redaktør i Framtida.no
14.45 Nynorsk i overgangane: Korleis kan me jobba mot språkskifte – og for språkleg sjølvtillit frå barnehage til vidaregåande? samtale med Synnøve Marie Sætre, Jorid Saure m.fl.
15.40 Pause med kake og frukt
16.00 Årsmøte LNK
16.45 Møteslutt
18.30 Aperitiff
19.00 Festmiddag m/underhaldning
ONSDAG 4. JUNI
07.00-08.45: Frukost og utsjekk
08.45 Framhald av årsmøte i LNK.
09.30 Pause og utsjekk
Tema: Språkteknologi og KI – kva må kommunane passa på?
09.45 Innleiing ved direktør i Språkrådet, Åse Wetås
10.15 Samtale om språkteknologi, med representantar frå kommunar som bruker
språkteknologi.
Tema: Frå fine ord til handling – korleis følgja opp språkbruksplanar og språkpolitikk i kommunane
10.45 Den kommunale språkpolitikken ved Fredrik Hope, konservator ved Nynorsk
kultursentrum
11.00 Korleis laga me språkbruksplanen – og korleis følgjer me opp planen? Innlegg ved kommunikasjonssjef Vigleik Brekke, Øygarden kommune og Silje Andvik Hoaas, kommunikasjonssjef, Alver kommune
11.15 Nynorsk byråkrat i forstaden, Petter Steen, skulefagleg rådgjevar i Sveio kommune
11.30 Korte føredrag om nynorsktiltak i kommunane. LNK utlyser konkurranse om dei beste nynorsktiltaka i kommunane.
12.00 Beinstrekk
Tema: Korleis engasjera ungdom i kommunen og lokaldemokratiet?
12.10 Framtida.no fyller 15 år – ved redaktør Andrea Rygg Nøttveit
12.20 Korte føredrag om ungdomsmedverknad i kommunane.
13.00 Møteslutt og lunsj
Det kan bli mindre justeringar i programmet!
Transport:
Panorama Hotell & Resort ligg heilt sør i Øygarden kommune, cirka 45 frå Bergen sentrum. Me set opp buss frå Bergen Lufthamn Flesland tysdag 3. juni kl 1015.
