Heim Nyhende - Viktig å spegle mangfaldet

– Viktig å spegle mangfaldet

Kringkastingssjef Hans -Tore Bjerkaas i NRK vil tilsetje fleire nynorskjournalistar og setje språk på dagsorden.

– Me må våge å tilsetje fleire nynorskjournalistar i bokmålsområde. I tillegg må språk generelt få høgare status i redaksjonane, me må få til meir språkdiskusjonar og evalueringar. Me må alltid ha gode språkbrukarar i journalistikken, sa kringkastingssjef Hans-Tore Bjerkaas under NRK sitt mangfaldseminar på tysdag. Han sa og at arbeidet som blir lagt ned i Nynorsk mediesenter og NRK FleRe skal bli «tatt meir vare på systematisk»  av NRK-leiinga i framtida.

NRK gjennomførte i forkant av seminaret ei kartlegging blant sine nynorsbrukande journalistar. Den viser blant anna at 59 prosent av dei spurde opplev positive haldningar til nynorsk frå sine leiarar. 15 prosent av dei spurde bruker alltid nynorsk i arbeidet sitt. I følgje kartlegginga er det også ein større del kvinner enn menn som fast brukar nynorsk som sitt arbeidspråk. Medan 17 prosent av kvinnene brukar nynorsk skriftleg, er talet 13 prosent menn. Prosentdelen av dei som brukar nynorsk skriftleg er også høgast hjå dei mellom 30 – 39 år.

Berre 5,6 prosent svarer at dei brukte nynorsk tidlegare, men har slutta med det. På spørsmålet kvifor dei slutta å bruke nynorsk var nokre av svara: «fekk berre kjeft», «vart mykje ekstraarbeid» og «eg er mest komfortabel med bokmål».
Ikkje overraskande viser også kartlegginga at majoriteten av dei nynorskbrukande journalistane i NRK er fødde på Vestlandet. Spørjeskjemaet gjekk ut 13. august, og vart sendt til 2000 personar.

– For NRK er det viktig å spegle både det kulturelle og det språklege mangfaldet i landet, sa Bjerkaas vidare under seminaret som sette fokus på å auke mangfaldet i NRK.

Les resultatet frå kartlegginga her.

Førre artikkelFrp svarar om språk
Neste artikkelRaudt svarar om språk

NYNORSK INSPIRASJON

SPRÅKBRUKSPLANAR

Meir enn 30 av LNK sine medlemskommunar har vedteke eigne språkbruksplanar – eller målbruksplanar som dei ofte vart kalla før. Dei fleste planane byggjer...

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

MEST LESE

– Éin nynorskmillion er ikkje nok

– Det er avgjerande at Teater Vestland får auka tilskot i ei krevjande tid, men Støre-regjeringa har samla sett ikkje levert godt nok for...

Jublar over nynorskstøtte

Nynorsk bedriftsforum er tildelt 950 000 kroner frå spelemidlane for 2025. Midlane er fordelte av Kultur- og likestillingsdepartementet og skal gå til vidare utvikling...

Trond (39) er tilsett i LNK – skal styrka nynorsk i skulen i Rogaland

Landssamanslutninga av nynorskkommunar har tilsett Trond Salte (39) for å få fart på prosjektet «Meir mål på Jæren». – Det er makelaust gildt! seier Trond...

Årsrapport for LNK 2023–2024

Annakvart år, i samband med årsmøtet og landstinget i LNK, legg organisasjonen fram ei fyldig årsmelding og revidert rekneskap for dei siste to driftsåra....