Statoil, General Electric (GE) og Lyse vil samarbeide om å byggje eit demonstrasjonsanlegg for vindkraft til havs i Rogaland.
Dei tre har inngått ein samarbeidsavtale, og har søkt NVE om konsesjon. Dei kjem også til å søkje Enova om økonomisk støtte. Det er lagt opp til at GE skal levere turbinane og at Lyse og Statoil samarbeider om utbygging og gjennomføring av prosjektet, går det fram av ei pressemelding frå Lyse.
Planen er å byggje to til fire demonstrasjonsturbinar, kvar med ein kapasitet på rundt 4 MW.
Det er aktuelt å byggje demonstrasjonsanlegga utanfor Rennesøy, Kvitsøy eller Karmøy, alle i Rogaland. (©NPK)
