Heim Nyhende Vil få kommunane til å skrive meir forståelege brev

Vil få kommunane til å skrive meir forståelege brev

Mange slit med å forstå brev frå det offentlege. No skal eit nytt KS-program hjelpe kommunane til å skrive klart og forståeleg.

 

Sidan 2009 har statlege verksemder arbeidd med å forenkle kommunikasjonen med brukarane. No skal også brev frå kommunane til befolkninga under lupa.

Eit nytt femårig KS-program skal no hjelpe kommunane å skrive klarere og meir forståeleg. Målet er å spare tida til innbyggjarane og gi dei betre moglegheiter til å ta vare på rettane sine.

– Når språket blir tydelegare slipper innbyggjarane å be om hjelp frå familie og venner eller ringe kommunen. Klar kommunikasjon skaper mindre avstand, meir tillit og betre dialog med det offentlege. Dei tilsette får færre meldingar og kan bruke meir tid på sine kjerneoppgåver. Dette betyr færre tidstjuvar og at kommunane kan bruke ressursane på ein betre måte, seier kommunal- og moderniseringsminister Jan Tore Sanner.

Han meiner også vedtak frå det offentlege som innbyggjarane ikkje forstår, er eit rettssikkerhetsproblem.

KS-programmet vil tilby grunnkurs i klarspråkarbeid til mellom 30 og 50 kommunar første året. I tillegg vil kommunane kunne søke om støtte til klarspråkaktiviteter i sin kommune. KS vil også etablere ein nasjonal base for delbare tekstar. (©NPK)

NYNORSK INSPIRASJON

SPRÅKBRUKSPLANAR

Meir enn 30 av LNK sine medlemskommunar har vedteke eigne språkbruksplanar – eller målbruksplanar som dei ofte vart kalla før. Dei fleste planane byggjer...

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

MEST LESE

Strategi for Nynorskkommunane (LNK) 2025-2029

Landstinget vedtok ny strategi for Landssamanslutninga av nynorskkommunar – LNK. Strategien bygger på prinsipprogrammet til LNK: • LNK skal leggja til rette for at medlemene kan vera...

Jubileumsfeiringar, sterke stemmer og sommarstemning under Festspela

Festspela 2025 vart ei levande og meiningsfull markering av nynorsk språk og kultur. Med fantastisk sommarvêr, sterke kulturopplevingar og eit engasjert publikum, er det...

– No er vi klare for Festspela!

– Vi gler oss til å ta imot gjestar i alle aldrar til ein levande og samlande festival, seier festspelsjef og konstituert arenaleiar Ida...

Fråsegn frå landstinget til LNK: – Kommunane må få dekkja kostnadene til språkdelte klassar

Landstinget til LNK kjem med klart krav til at kommunane må få dekkja dei kostnadene dei har til språkdelte klassar i ungdomsskulen. Etter den nye...