Regjeringa ønskjer å fornye Kulturløftet for fire nye år, og lovar med det å sikre nynorsken gode kår også i neste periode.
I framlegget til Kulturløftet 2 står det i tiltakspunkt 4:
«Styrke bibliotekene og norsk språk
Styrke bibliotekene som arenaer for leselyst, læring og kulturopplevelser. Bidra til et kvalitets- og kompetanseløft i bibliotekene gjennom utviklingstilskudd og modellbibliotek og bruk av ny teknologi. Innkjøpsordningene for litteratur skal styrkes. Etablere en norsk Språkbank. Sikre nynorsken gode kår.»
Dette er ein av i alt 17 tiltakspunkt som det nye kulturløftet inneheld.
Kulturløftet 1 kom til i 2004 og har vore ein del av den raud-grøne regjeringa si kultursatising i denne regjeringsperioden. Kulturminister Trond Giske la nyleg fram rapporten for Kulturløftet 1. Her kjem det mellom anna fram at regjeringa har auka støtta til nynorsken, både gjennom språkmeldinga «Mål og meining» og via auka økonomiske løyvingar til nynorskorganisasjonar og til produksjon av nynorsk litteratur.
