Heim Nyhende Vil gjere noko med lærarutdanninga

Vil gjere noko med lærarutdanninga

Språkrådet gjennomførte tidlegare i vinter ei undersøking kor det kom fram at det er kunnskapsmangel hos lærarane i nynorsk. Språkråd-direktør Arnfinn Muruvik Vonen vil dermed setje søkjelyset på lærarutdanninga.

– Det har kome fram i undersøkinga Språkrådet gjennomførte at kunnskapen er låg hos lærarane og at det gjer at dei er mindre motiverte for å bruke nynorsk i undervisinga. Kva tenkjer du då om lærarutdanninga, spurde mållagsleiar Håvard B. Øvregård Muruvik Vonen då det blei opna for spørsmål frå salen etter språkråd-direktøren si samtale med tidlegare NRK-journalist Audgunn Oltedal under Dei nynorske festspela.

– Undersøkinga vi hadde i vinter viser at det er kunnskapsmangel hos lærarane. Vi må gjere både lærarane og elevane merksame på at dei har reelt bruk for nynorsk i ei lang rekke jobbar, byrja Muruvik Vonen.

– Vi har dokumentert at noko må gjerast med lærarutdanninga, haldt han fram. Akkurat kva som skal gjerast kunne han ikkje seie noko om nå.

Arnfinn Muruvik Vonen peika under samtala med Audgunn Oltedal på at det ikkje er føremålstenleg å fjerne karakteren i sidemål i den norske skulen.

– Det er allereie ei stor utfordring å motivere elevane til å lære seg å bruke nynorsk, og viss vi fjernar karakteren vil dei bare bli endå vanskelegare å motivere dei, slo Muruvik Vonen fast.

Noreg har ifølgje språkråd-direktøren tradisjonelt vore eit tolerant land når det gjeld språk.

– Det viser seg mellom anna gjennom bruken av dialekt i det offentlege rommet, men eg trur vi har behov for å få meir kunnskap om nordmenn sine språkhaldningar, sa han.

Som han tidlegare har gjort, mellom anna i eit intervju tidlegare her på lnk.no, så var Muruvik Vonnen opptatt av å bruke Mål og meining, stortingsmeldinga, som rettesnor for sitt arbeid i Språkrådet.

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Undersøking: Journalistar med nynorskkompetanse er mangelvare

I ei undersøking om «Nynorsk i avisene» kjem det fram at aviser som bruker begge skriftspråk er positive til meir nynorsk. Samtidig har redaktørane...

Norsk Målungdom har valt ny leiar

Sebastian Vinsent Natvik frå Alver kommune i Vestland er valt som ny leiar for Målungdommen. – Eg er veldig takksam for tilliten til landsmøtet, og...

Harselerer og hyller nynorsken i ny musikal

Are Kalvø og Ingrid Bjørnov har laga musikal inspirert av nynorsk (spynorsk) (m)ordliste og Ivar Aasen. 13. april har det satiriske stykket premiere på...

Norsk Barneblad – i takt med tida sidan 1887 – og truleg eldst i verda

Norsk Barneblad er truleg det eldste eksisterande bladet i verda for barn. Det har kome ut utan stans sidan 1887 og lever i beste...