Kunnskapsminister Kristin Halvorsen meiner at ekstrapoeng på vitnemålet kan få fleire elevar til å velje nynorsk. No ynskjer sametingsrepresentant Miriam Paulsen ( NSR) at det også gjeld for samiske elevar.
– Det blir allereie gitt tilleggspoeng til elevar som vel programfag i framandspråk eller realfag. På same måte meiner vi at nynorsk er så viktig som kompetanse for Norge at vi vil kunne gi insentiv for å få elevar til å velje dette, seier statssekretær Elisabet Dahle til VG.
– Eg meiner regjeringa burde tatt med samisk i samme slengen. Det ville vore heilt naturleg, seier Paulsen til Ságat.
– Tilleggspoeng ville gjort det endå meir attraktivt å velje samisk som hovudspråk. Dette ville blitt eit godt språktiltak, meiner Paulsen.
