Bergen kommune vil sende innvandrarar på leiarkurs. Målet er å hente fleire innvandrarar med høg kompetanse inn i jobbar på sitt nivå, seier byråd for helse og inkludering, Christine Meyer (H).
I Bergen kommune jobbar det for tida omlag 1 500 innvandrarar, dei fleste av dei er ikkje-vestlege.
– Vi er klar over at veldig mange innvandrarar har jobbar dei eigentleg er overkvalifiserte for, seier Meyer. Eit leiarprogram skal no gje somme av desse mulegheiter til å kome seg høgare opp i systemet, i tillegg til at dei vil få ei generelt kompetanseløft.
Programmet er i utgangspunktet eit vanleg leiarprogram, men i tillegg har dette kurset fokus på norsk bedriftskultur og samfunnskunnskap.
– Korleis skal de rekruttere til dette kurset?
– I første rekkje blir våre leiarar bedne om å finne gode kandidatar i sine einingar, seier Meyer. Desse kandidatane må allereie ha jobbar kor dei har eit visst leiaransvar.
I tillegg leier helsebryåden eit samarbeidsforum for rekruttering av innvandrarar der det er representantar for innvandrarorganisasjonane, NHO, LO, Helse Bergen og ei rekkje andre organisasjonar. Her vil det også vere aktuelt å be desse finne kandidatar innanfor eigne organisasjonar.
Leiarprogrammet blir eit deltidsstudium som går over to år.
