Formannskapet i Meland kommune i Hordaland gjekk med eit knapt fleirtal inn for at øykommunen skal melde seg ut av LNK denne veka. Saka skal vidare til kommunestyret i april.
Med fire mot tre røyster gjekk formannskapet inn for utmelding onsdag. Årsaka til dette er at kommunen arbeidar for å kome i økonomisk balanse. I saksutgreiinga skriv kommunen: «I samband med prosessen for å oppnå økonomisk balanse, har det vore nødvendig å vurdere alle ikkje-lovpålagte tiltak svært streng. Dette gjeld også for medlemskap i ulike organisasjonar, sjølv om desse gjer ein god jobb og fyller eit behov innan sitt interesseområde».
Saka skal opp til endeleg avgjerd i kommunestyret 11. april.
