I samarbeid med mellom anna Den Norske Turistforening og Fairtrade etablerer Vinjerock på Eidsbugarden sitt eige fond.
Vinjerockfondet skal gje støtte til rørslehemma ungdom mellom 15 og 30 år som vil ut på tur i norsk natur. Mellom anna kan ein få dekt utgifter til følgje og transport. Ein jury med representantar frå samarbeidspartane og eksterne kvalifiserte personar vil stå for tildelingane.
For å skaffe inntekter til fondet vil Vinjerock i år gje ei krone for kvart ølglas som blir panta på festivalområdet. Alle artistane på festivalen blir dessutan invitert til å måle eit bilete backstage som blir auksjonert bort til inntekt for fondet etter festivalen. (©NPK)
