Arnhild Skre får Brageprisen 2011 i kategorien open klasse for boka «Hulda Garborg. Nasjonal strateg».
Ho var ein av fem forfattarar av nynorskbøker som var nominerte til årets Bragepris, og ho var den einaste av desse som fekk pris i år. Skre, som har bakgrunn som historikar og kulturjournalist frå NRK, Dag og Tid og Aftenposten, gav ut biografien om Hulda Garborg i haust.
Vinnarane i dei andre klassane er:
– barne- og ungdomsbøker: Inga Sætre, «Fallteknikk»
– sakprosa: Simen Ekern, «Roma. Nye fascister, røde terrorister og drømmen om det søte liv»
– skjønnlitteratur: Tomas Espedal,«Imot naturen»
Årets heidersprisvinnar er Kolbein Falkeid.
Brageprisen blir delt ut årleg av stiftinga Den norske Bokprisen. Prisen har til føremål heidre gode norske forfattarskap, og å skape interesse for norsk litteratur. Prisen har 20-årsjubileum i år.
