Erna Osland er ein av forfattarane som bidreg under Nynorsk barnebokveke.
Tiltaket er eit samarbeidsprosjekt mellom Nynorsk kultursentrum, Nynorsksenteret, Ivar Aasentunet og Møre og Romsdal fylkesbibliotek. Gjennom tre dagar vert det halde foredrag om barnebøker og korleis ein skal skape meir leselyst blant born, skriv Møre – Nytt.
– Det er veldig fint å vere lærar eller bibliotekar og få vere med å arbeide for born. Språket og lesinga er noko av det som gjer at ein vert ulike og får kvar sin måte å vere på, seier Erna Osland som er ein av forfattarane som bidreg.
– Eg ser at forteljingane er ein veldig god måte å nå måla eg strevde mot som lærar. Dei handlar om å oppdage seg sjølv, og då må ein sjå den andre. Det er det all skjønnlitterær tekst handlar om: å vise den andre. Då ser ein også seg sjølv.
Fire plassar Den nynorske barnebokveka er eit mobilt arrangement. Etter å ha vore i Aasentunet måndag, gjekk turen vidare til Herøy bibliotek, Vestnes bibliotek og Fræna bibliotek.
