Kulturdepartementet har i dag utnemnd Arnfinn Muruvik Vonen (50) til ny direktør i Språkrådet. Vonen har vore professor ved Institutt for spesialpedagogikk ved Universitetet i Oslo sidan 1997.
Vonen har omfattande og brei språkvitskapleg bakgrunn og handterer sjølv ei rekkje språk, blant anna norsk teikspråk, heiter det i ei pressemelding frå Kulturdepartementet. Han har doktorgrad i lingvistikk fra 1994 og har elles universitetseksamenar i russisk, latin og språkvitskap. Vonen har også treårig universitetsutdanning i sosialøkonomi.
I forskninga og undervisninga har Vonen særleg arbeidd med spørsmål som gjeld språk og høyrselshemming, spesielt den tospråklege situasjonen til norske døve.
