Det brukarstyrte leksikonet Wikipedia fyller 10 år i år.
Det var 15. januar 2001 at Jimmy Wales lanserte den engelskspråklege Wikipedia, og målet var å gje ut ein fleirspråkleg encyklopedi til alle menneske i verda, på deira eige språk. I dag har Wikipedia meir enn 16 millionar artiklar på over 200 språk.
Wikipedia på bokmål kom til same år, nærare bestemt 26. november, medan nynorskutgåva var på plass i 2004. Dei norske utgåvene av Wikipedia har i dag høvesvis 287 625 og 62 829 artiklar.
Wikipedia blir skrive og redigert av brukarar over heile verda. Ifølgje nettstaden sjølv er Wikipedia den 5. mest besøkte nettstaden i verda.
