Ungdomsbloggen i Solabladet set nynorsk på dagsorden når tre ungdommar seier si hjartans meining om språket, utviklinga og undervisninga.
Dei tre bloggarane Maren Irmelin Munthe-Dahl, Maren Østbø og Trine Ottosen tar opp ulike sider ved målforma i Ungdomsbloggen. Alle tre kjem frå Sola kommune i Rogaland, ein kommune som har bokmål som si hovudmålform, men som har nokre nynorskklassar på barneskulane.
Skal vi halde fram med å ha to skriftspråk i landet, må undervisninga leggast opp annleis, og skulen må by på meir sidemålsundervisning, meiner Ottosen.Munthe-Dahl seier ho har forståing for dei som kjempar for å få ha nynorsk på skulen, men meiner nynorsk bør bli eit valfag. Østbø synest det er synd at det blir færre nynorskklassar i kommunen hennar og ønskjer at utviklinga må stoppast.
Les alle blogginnlegga på Ungdomsbloggen her.
