Vinjefondet skal i 2012 dele ut minst ein halv million kroner til ulike nynorsktiltak innan pressa.
Vinjefondet prioritere få, større prosjekt som dei støttar, og det blir lagt særleg vekt på tiltak overfor redaksjonsmiljø med både nynorsk- og bokmålsbrukarar og miljø med berre nynorskbrukarar, heiter det i vedtektene. Tiltaka som får støtte kan vere praktikantordningar, praksisplassar for nynorskjournalistar, språklege tiltak og etterutdanning, og dei kan rette seg mot både fast tilsette journalistar, frilansarar og studentar.
Vinjefondet vart oppretta i 2009, og har sidan då delt ut 1,3 millionar kroner til ulike tiltak. Framtida.no var ein av mottakarane dette året, nettavisa fekk 200 000 kroner til å engasjere ein reisande journalist i eitt år.
Det er Nynorsk kultursentrum som har fått i oppdrag av Kulturdepartementet å forvalte midla i Vinjefondet. Søknadsfristen er 31. desember i år, og eit eige fagråd vil gje tilrådingar til styret i Norsk kultursentrum som skal vedta løyvingane i januar 2012.
