Fieldfarehytta i Tafjordfjella i Sunnmøre har fått Claus Hellbergs minnepris for 2011.
Fieldfarehytta er ei ubetent turistforeningshytte, og den er ein tru kopi av bygninga som var base for Kompani Linge under andre verdskrigen, fortel Sunnmørsposten.
Hytta vart opprinneleg bygd av tre offiserar våren 1944, og offiserane budde her det siste krigsåret. Etter krigen forfall hytta, men den vart seinare restaurert på dugnad. Fieldfarehytta vart gitt i gåve til Ålesund og Sunnmøre Turistforening i 1990.
Joachim Rønneberg (92) var ein av dei tre sabotørane som bygde hytta, og han mottok prisen på vegner av hytta under ein seremoni 2. desember. Rønneberg har også vore sentral i restaureringa av Fieldfarehytta.
Claus Helbergs minnepris blir kvart år delt ut til lag og foreningar som i særleg grad har bidratt til bevaring av kulturminne i skog og fjell. Claus Helberg var aktiv i motstandsarbeidet under krigen og var ein del av Kompani Linge.
