At næringslivet i ein nynorskkommune bruker nynorsk er ikkje alltid sjølvsagt. Radøy mållag har vald å vise at dei set pris på dei som gjer det, og gav før helga si årlege målrose til eit lokalt elektrofirma.
– Risnes Elektro er veldig flinke til å bruke nynorsk både i butikken og elektrofirma. Difor er verksemda verd ei målrose, seier Geir Olav Repål frå Radøy mållag til avisa Nordhordland.no. Repål seier det er viktig at lokale verksemder bruker språket og håper fleire vil gjere som som Risnes.
Dagleg leiar Astrid Risnes seier det aldri har vore snakk om å bruke anna enn nynorsk. – Det er viktig å bruke vårt mål, seier ho til avisa.
