Heim Nyhende NTNU sviktar nynorsken

NTNU sviktar nynorsken

Nettsidene til universitetet i Trondheim (NTNU) har dei seinare åra hatt berre tre prosent nynorsk. Det synest Språkrådet er så elendig at dei har bedt Kunnskapsdepartementet om å gripe inn.

Det er NTNUs eigen årsrapport som viser at nynorsken er forsvinnande lite å sjå i kommunikasjonen med omverda. Det har ikkje hjelpt at Språkrådet fleire gonger før har gjort NTNU merksam på at dei er svært langt unna kravet i mållova om at minst ein firedel av tekstproduksjonen skal vere på nynorsk.

– Sjølv om statsorganet har gitt oss lovnader om betre resultat, har vi sett liten framgang i målbruken. Det gir oss inntrykk av at institusjonen ikkje tar mållova på alvor, skriv Språkrådet i eit brev til Kunnskapsdepartementet, der dei òg ber departementet om å leggje trykk på NTNU.

Uvanleg

Det å be departementet om hjelp er eit uvanleg grep, fortel språkdirektør Arnfinn Muruvik Vonen til NTNUs eiga avis, Universitetsavisa.

– Det er ikkje vanleg. Det har å gjere med at NTNU har såpass langt å gå. Dei har hatt låg nynorskdel i fleire år, og vi har ikkje sett tiltak som har betra situasjonen, seier Vonen.

Han meiner det er særs viktig at statsinstitusjonar som NTNU sørgjer for å gjere den pressa nynorsken meir synleg.

– Sjølv om NTNU geografisk sett hører til i Trondheim, er det eit universitet for heile landet, og som rekrutterer studentar frå heile landet, seier språkdirektøren.

Krafttak til hausten

NTNU har no klare ein del tiltak som skal få opp nynorskprosenten til hausten. Mellom anna skal omsetjarprogrammet Nyno – som automatisk omset bokmålstekstar til nynorsk og omvendt – takast i bruk, opplyser informasjonssjef Christian Fossen til Universitetsavisa.

Tal frå studieavdelinga ved NTNU viser at 5,5 prosent av studentane ved universitetet har nynorsk som hovudmål. Det tilsvarande talet for Universitetet i Oslo er 2,5 prosent. (©NPK)

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Telemark fylkeskommune skal bruka minst 40 prosent nynorsk

– Eit godt og forpliktande vedtak, seier Noregs Mållag. Telemark fylkeskommune skal vera språkleg nøytralt og bruka minst 40 prosent nynorsk, har det nyleg blitt...

Desse endringane kan kome for nynorsken

Eit nytt spørjeord og nye kjønn på substantiv er noko av det Språkrådet har føreslått. Du har kanskje fått med deg at Språkrådet ønskjer at...

Alle nye lover bør kome på nynorsk!

Det er nynorsken sin tur til å bli favorisert i lovtekstane. Nynorskprosenten må opp. Når Stortinget vedtek ei lov, er ho skriven anten på bokmål...

NRK klarte ikkje nynorskkravet på radio og nett

NRK klarte nynorskkravet på TV, men ikkje radio og nett. Norsk Målungdom etterlyser fleire nynorskjournalistar. NRK har eit krav om 25 prosent nynorsk på kvar...