Noko av det viktigaste no blir å forankre Fjordvegen Diktarvegen i næringslivet langs rv. 13. Det sa styreleiar Solfrid Borge då ho opna Diktarveg-konferansen i dag.
Dette er ikkje den første konferansen Diktarveg-prosjektet har halde, men det er den første store samlinga til det nye selskapet Fjordvegen Diktarvegen. I/S Fjordvegen og Diktarvegen slo seg saman til ein organisasjon ved nyttår, og selskapet har funne si form som eit aksjeselskap.
– Det handlar om å sameine to kulturar som har felles nytte av eit konkret samarbeid, seier Borge og viser til at det nye selskapet no har tre intensjonar: Å betre vegstandarden, skaffe besøkande til kulturinstitusjonar og arrangement og gjere det meir attraktivt og betre for næringslivet langs rv 13, eller rute 13 som vegen òg vert kalla.
