I dag brakar det laus med Moldejazz. Klokka 12 opnar Eldbjørg Raknes festivalen og leier an i paraden gjennom Storgata i Molde.
Meir enn 60 artistar og band skal i elden under årets Moldejazz. Jazzfestivalen, som har halde på i meir enn femti år, spreier seg på små og store spelestader stader i og kring Molde – alle i gangavstand, lovar arrangøren. Artistlista viser store internasjonale og norske namn, og årets Artist in Residence er den norske pianisten og komponisten Jon Balke. Publikum vil få oppleve Balke i fleire musikalske konstellasjonar i løpet av veka Moldejazz pågår.
Det blir også halde meisterklasse for dei som har lyst til å lære og utvikkle seg: Ein med John Scofield og ein med Joe Lovano.
Norah Jones, The John Scofield Hollowbody Band, Antony and the Jonstons, Dave Douglas og Janelle Monáe er mellom nokre av dei andre artistane som blir å høyre og sjå i Molde i år.
Moldejazz vart arrangert første gong i 1961, og den er ein av dei eldste jazzfestivalane i Europa.
