Det er berre Kommunal-og regionaldepartementet som tvitrar i tråd med mållova, skriv Framtida.
I mållova heiter det at det skal vekslast i mellom begge målformene i såkalla «Allment informasjonstilfang». Minst 25 prosent av den offentlege kommunikasjonen skal vere på nynorsk.
– I informasjonsmeldingar på Twitter må statsorgan, departement og underliggjande etatar, tvitra minst kvar fjerde melding på nynorsk, seier rådgjevar i Språkrådet, Daniel Ims, til Framtida.
Les også: NKR vil tvitre på nynorsk
– No har eg ikkje fått vurdert Twitter-bruken til departementa, men legg ein til grunn at dei ikkje vekslar mellom målformene som dei skal gjera, er det sjølvsagt alvorleg, seier Ims.
Språkrådet har ikkje sosiale medium som ein eigen kategori i rapporteringa frå statsorgana i dag, men den vil vere på plass neste år. Det er Kulturdepartementet og kulturminister Hadia Tajik (Ap) som skal passe på at departementa også brukar nynorsk i sosiale medium.
